八
八
濛濛瀧瀧之中，我感覺到身邊既Camp草好似試探性咁郁左一郁…
我勉力咁睜開半隻眼，見佢仲響我身邊，心中湧起安全感，再合埋雙眼準備繼續訓…
然後我感覺到Camp草真係移開左佢既身體，我睜開雙眼望一望佢，只見佢赤身裸體咁輕輕地爬左落床，響地上佢既衫褲度好焦急咁搵野。
我對呢一幕冇乜印象，但依稀記得當年我之後好似比啲電話既對話聲嘈醒左，之後就見到Camp草頹然咁坐左響床邊…
我當時隱約估到係同佢既正印女朋友Jenny有關。
或者，今次我可以阻止佢同Jenny講電話？咁做話唔定對我搶Camp草返黎有幫助…
不過，我諗係咁諗，但我又真係做唔出…我真係未做好心理準備以第三者既身份去搶人地男朋友…
時間好快就過去，我見到Camp草響佢褲袋之中搵到佢部iPhone…
梁冰冰，妳要做決定架啦！
係咪阻止Camp草打電話？唔係既話妳穿越時空回到過去就係純粹想享受多一次同Camp草既纏綿？
妳要快啲做小小野先得呀！
霎時間心中湧起無數個念頭，內心亦都天人交戰…
但我最後始終乜野都冇做到…默默咁望住Camp草打電話…
我始終…下唔定決心…
「老婆…」Camp草對住部iPhone說道，似乎已經接通左電話。
對面有把女仔聲好似喊緊咁講野，不過我聽唔清楚。
「傻妹又亂諗野。」Camp草嘗試用溫柔既語氣同電話另一面講：「我同房失戀，所以陪左佢飲酒，我地兩個都飲到醉晒，我啱啱先醒，所以先聽唔到你電話咋。」Camp草響度掩飾今晚發生既事。
我有個壞既念頭響心中閃過…如果我呢個時拆穿Camp草既話，唔知未來會唔會改變呢？
我係咪真係應該咁做呢？
唔做啲野對改變歷史毫無幫助呀…
不過…我諗多兩諗，始終都冇咁做…
其實我係擔心我咁做既話分分鐘會令Camp草憎死我…隨時有反效果…
「梗係真架啦！」
「我邊會呃我老婆呢？」
「嗯…嗯…因為…我同房都冇預過佢會失戀架嘛…我又冇預自己會飲醉酒…」
「Sorry呀老婆，冇下次架啦…」
冇下次…冇下次…
分明阿威就係鍾意Jenny多啲…妖精先生呃人既…
諗到呢度，心中一酸…
好似有小小眼淚想流出黎…
我忍住，我由未來返黎唔係為左喊架…
而且…明明我響Camp草眼中係好活潑開朗架嘛…點可以比而家既佢見到我喊？
由於我不斷響度亂諗野，結果佢地中間既對話我錯過左小小…
「傻妹…我飲醉酒頭有小小痛想抖下嘛…聽日一起身再搵你好唔好？」
「嗯…咁…你好好抖下…」
「知啦老婆。」
「嗯…咁你都早啲休息啦…老婆…早抖。」講完呢句之後，Camp草就cut左線了。
之後，佢就咁背住我坐左響度…
我記起喇…我上次大約就係響呢個時間起身，跟住見到Camp草好似好難過咁坐左響度…之後隔左好耐佢都唔再出聲又唔郁，個樣好唔開心咁，所以我忍唔住走上去攬實佢…
然後…
果陣…我地又再次…
我用力咁搖一搖頭，唔再去諗上次既事，而係即刻上前由背後攬實梁建威！
同過去果次溫柔咁攬唔同，今次我真係攬到佢實一實！
Camp草應該比我嚇左一嚇，可能佢一直以為我訓緊覺。
「無論發生乜野事都好，我會一直陪住你…」我響佢耳仔旁邊輕輕咁講：「有乜野唔開心都好，我會一直陪住你…」
我再偷偷望下佢既小威威…企左起身…
其實…我都講過我仲想要…妹妹都已經濕左…
如果依照本身既發展，我地好大機會會做多一次，然後再攬住一齊訓覺…
不過，既然我黎到過去，或者陣間…我可以試下忍住…淨係同Camp草談下心？
一件小事，可能會有機會影響到後面所有野既發展呢？
呢個效應，係咪叫做蝴蝶效應？
「有咩事唔開心？」我柔聲地問：「可唔可以講比我知？」
Camp草冇出聲…
「因為Jenny？」我問：「你覺得…好對佢唔住？」
Camp草虎軀一震。
似乎我既推論係啱…
佢回身攬返住我…
我以為佢會好似過去果一次咁諗住同我再做多一次…我仲諗緊我係咪應該推開佢…之後先再同佢傾計既時候…
我發覺…佢攬到我實一實，但冇錫我，更加冇進一步既行動…
佢喊緊。
唉…似乎就算返到黎過去，都只係確認多一次，對當時既Camp草黎講，Jenny響佢心目中既位置真係重好多…
妖精先生呃人既！
我個心好似乸左一乸咁…唔係，係開始有啲痛…
如果…對梁建威黎講最重要既係Jenny，點解妖精先生仲要比個假希望我！
仲要送多我一次返黎，等我再經歷多一次果種痛！
明明我已經放低左！或者…係我以為自己放低左…
我自己覺得自己開始有小小唔冷靜…
然後…自己都忍唔住，淚水開始充滿眼眶…我想推開阿威…
不過，我又唔忍心睇住佢喊，於是我一隻手攬住佢，另一隻手摸住佢個頭安慰佢…
拍左一陣佢個頭之後，我移一移開佢個頭，同佢四目交投…
我主動咁吻向梁建威…而佢都開始回吻我…
我有啲情迷意亂…無辦法冷靜地思考…
既然…乜野都改變唔到…不如比我放肆多一次…
至少響呢一刻，我比Jenny重要…
「放心…Jenny唔會知架…」我響佢耳仔輕輕咁講…
因為聽到Jenny個名，Camp草突然成個人停左…
（待續）
