二十四

二十四

Camp草擰轉身，雙眼目露凶光咁向住Jason行過去。

唔好呀，Jason係特登撩你，引你打佢再搞大件事…

分分鐘仲會走去報警，到時未來既你連消防員都冇得做呀…

我衝上前拉住Camp草既手臂，但佢咁大力，我邊拉得佢郁？

反而Jason一副胸有成竹既樣望住Camp草，完全冇比Camp草既氣勢嚇怕…

唔得架，咁搞落去會出事…我返黎過去反而變成累左Camp草…

Camp草行到Jason面前，用好重既語氣一字一字咁對住Jason講：「你！咁！薑！講！多！一！次！？」

Jason輕鬆一笑：「嗱，傻仔，係你叫我講架咋。」然係佢清一清喉嚨，完全唔理身邊既人大叫：「死傻仔！你執我二攤架咋！梁冰冰下面比我屌到鬆晒先到你食咋，傻仔！ 」

我塊面紅晒，比Jason咁樣講，心中一陣難受。

我話晒都曾經係你既女朋友，點解你可以咁若無其事咁講啲咁賤格既野？

「我話你知啦傻仔，我叫佢幫我玩深喉佢都肯呀！叫佢比我唔帶套插又得！鍾意縛住佢手手腳腳咁玩又得！叫佢比我插屁股都得呀！有冇玩過？好好玩架！」Jason仲好輕挑咁講。

我感覺到周圍既人既目光望住我…

好羞恥…仲有…好難受…我個心好難受…

至少我地都叫做曾經相愛過，點解你可以咁講野…

講既野咁賤格！

你仲要係港大法律系學生黎架！

不過，我個心有幾痛都好，我冇時間自怨自艾，我要即刻去做啲野去阻止Camp草亂黎！

我見到佢雙眼好似要噴出火來！

我諗都冇諗，即刻衝前去，擋住佢同埋Jason！

然後…

我唔顧得身邊有乜野人，我雙手捉住Camp草塊面，一啖錫落佢咀唇度！

我相信…即使佢知道我比Jason點搞過都好，佢都唔會嫌棄我的…

然後我望住Camp草，佢既目光慢慢由憤怒，變得柔和…

雙唇慢慢再分開…

然後Camp草既目光由柔和再變得堅定，佢將我拉一拉向佢身邊平排，再同Jason講：「唔理你講啲乜野都好，都唔會傷害到我同阿冰既感情。如果佢真係受過你既傷害既話，我會更加好好咁保護佢，唔會好似你咁傷害佢。」再吞一口氣，望實我咁講：「因為佢係我女朋友。我愛佢。」

我紅都面晒，但係…個心好甜…真係好甜。

我都好愛你呀～梁建威~

Camp草講完之後，周圍突然響起左一大片掌聲。

估唔到…呢班睇熱鬧既人，到最後竟然係企響我地呢一邊。

Jason既面色突然變得相當之難睇。或者…佢本來真係想用激將法去引Camp草出手，再伺機搞大件事。

讀得法律系既…唔多唔少都會攻心計。

不過，Jason估唔到，Camp草最後竟然可以忍得住唔發火。

嘻～我當然有功勞啦！

「哼！隨你鍾意。你鍾意執人二攤你執飽佢！」Jason作出無力既還擊。

「仲有呀，你咁得閒為左個你唔愛既人山長水遠入黎屯門，不如用呢啲時間溫下書好過啦。」Camp草寸一寸Jason：「法律系唔易讀架，小心畢唔到業。」

唔駛真係出手，就咁用口Camp草已經ko左Jason…

估唔到你平日成個戇男咁，但呢一刻竟然可以講到一個法律系學生口啞啞…

好man呢～

之後Camp草拖住我轉身就走，一下都冇回過頭去望Jason。

再見喇，何啟明。

如果唔係今次返到過去，我都唔知原來你係一個比我想像中更差勁既人。

Camp草拖住我入左校園之後往宿舍既方向行過去。

*

Camp草一路上捉得我好實好實，好似驚我走左去咁。

「傻瓜，你做乜拖到我咁實？」呵呵~今次仲唔到我可以玩下你~「我唔會走左去架喎！」

雖然啱啱比Jason當眾咁樣侮辱完，本來心情應該好差，但啱啱Camp草當眾咁樣維護我，又話點都會愛我，我個心情即刻變得好暢快~好開心～

Jason啱啱講左啲乜？我唔記得晒喇。

「係呀，我拖到妳咁實妳仲點走左去？」Camp草笑一笑。

好溫暖呢～

行下行下都到左我棟hall大門口了。

我望住佢，主動向佢獻上一個Goodbye Kiss。

錫完之後我地仍然企響度你眼望我眼咁，大家都唔捨得離開。

「…今晚我同房應該都唔響度…」我低下頭輕輕咁問：「你…上唔上黎？」

哎呀，咁樣問會唔會好似發姣咁呢？

…

…

雖然我根本就係！

「咁…妳等我返去沖個涼先？」Camp草傻笑咁樣回答：「等我一陣，好快！」

「嗯！」之後我古古惑惑咁向佢笑一笑：「記住…沖得乾淨啲呀～」

「知啦～」Camp草向我揮揮手就走。

我都懷住滿心既溫暖同甜蜜慢慢咁返去宿舍。

一返到房我都好快咁樣用前所未有既高速去沖個涼，因為驚Camp草早左上黎冇門口入~

洗完白白之後響房一路吹頭一路等Camp草~

諗起啱啱Camp草啱啱講既說話，一路吹住頭既我不自覺咁甜甜地笑起上黎…

（待續）