二十五
二十五
我一路吹頭一路響房等Camp草~
一邊等又一邊笑~
比前男朋友咁當眾侮辱完之後都笑得咁開心，睇怕我都係第一個~
咯！咯！
「入黎啦，冇鎖架！」我輕快地道。
Camp草就咁著住件o camp既hea tee（我都有呢件架~）、短褲同拖鞋就入左黎。
連頭都未乾。
男仔係咪真係唔鍾意吹頭架？
「做咩笑到咁開心呀？」Camp草一入黎就坐低響我張床上面。
咦？
乜我而家仲笑緊咩？
「哼，唔話你知！」我撒下嬌~
然後我望到衰人梁建威笑笑口咁望住我。
「衰人，你又望住我笑乜野？」我一路吹頭一路撒嬌咁問返Camp草。
「哈哈~望住個咁靚女既女朋友，好難唔笑架喎。」Camp草哈哈一笑。
「成日都咁口花花~」我吹完頭，放低風筒，然後衝口而出問左句：「你對住Jenny成日都係咁架？」
哎呀，我係咪唔應該響呢個時候提起Jenny破壞氣氛呢？
Camp草突然間沉默左落黎。
唉，我真係唔應該提起Jenny架。
「Sorry…」我情不自禁咁道左歉先。
沉默左一陣…
「唔係呢樣野…」Camp草搖一搖頭，再道：「我諗呢…我已經決定左。」
決定左…？
莫非係指…？
「我想保護妳。」一向傻頭傻腦既梁建威用一個好認真既語氣同我講：「我想…以後都響妳既身邊，好好咁樣去保護妳、愛錫妳。」
咦？
咦？
咦？
見到我一面難以置信既樣，梁建威再深呼吸一口氣，繼續話：「我…見到妳以前個仆街Jason咁樣傷害妳…我果一刻已經決定左，無論妳以前受過幾多傷害都好，我以後都會好好咁補償妳，唔會比妳再受到任何傷害！」
嗯…
當然，Jason真係傷得我好深…
而且今次返到過去，更加比左另一個機會去傷害我…
但估唔到既係，Jason既出現，竟然會成為一個契機，令到Camp草下決定。
「你…唔駛諗清楚先？」我輕輕咁問Camp草：「我驚…你係經過啱啱既事…一時衝動先下決定…」
哎呀…梁冰冰…妳係度做緊乜野？
呢個係大好機會黎呀！
「唔駛…」Camp草搖一搖頭：「我諗清楚架喇…我鍾意妳，我想好好咁保護妳…」
然後佢深呼吸左一啖氣：「阿冰，妳比個機會我，等我以後可以好好照顧妳呀？我唔止想做妳呢兩日既男朋友，我想做妳以後既男朋友，得唔得？」
我呢個時候應該係笑得好甜咁大大力點頭先啱…
呢個…唔係我夢眛以求既時刻咩？
我仲猶豫緊乜野？
我啱啱仲為左Camp草為我出頭而好開心架？
「咁…Jenny佢點…？」我竟然本能反應咁講左啲大煞風景既說話出黎！
Camp草堅定既眼神突然變得有啲痛苦同內疚，不過語氣仍然好堅地道：「我會搵個機會好好咁同佢講清楚架喇。」頓了一頓又道：「比小小時間我。」
嗯…
咁…唔係就解決晒所有事喇咩？
連Jenny呢一部分都可以解決啦？
我唔係應該覺得好開心先啱架咩？
點解…
點解…
我會有一股莫名既罪惡感湧上心頭既？
點解…
我好似做左一件壞事咁既？
唔得…
我要諗啲正面啲既野先得…
就好似…冇錯啦…妖精先生話過，愛情應該要係自私既！
而且佢比個機會我返黎過去，就係想我同Camp草有個美滿既結果！
佢對我既期望…係我要為左自己而努力！
我…唔可以再有任何猶豫…
我要接受梁建威既表白！
雖然我諗左咁多野，其實都係轉念之間，我即刻向住Camp草堆出一個幸福既笑意，大力點一點頭：「咁…我呢一刻開始就係梁建威既女朋友啦！」
Camp草眼中痛苦既眼神慢慢褪去，然後好幸福咁笑一笑：「係呀，梁冰冰係我既女朋友呀。」再摸一摸我個頭：「傻妹。」
呵呵~
我終於成功左啦～唔駛用足三日，第一日就已經成功啦～
我由書枱座位起身，又跑又跳咁撲向坐左響床下面既Camp草~
Camp草比我壓到訓左響床上面~我地面同面之間接近零距離…
呵呵~變左好似我好主動咁添~
「威威~」我望住佢對眼，慢慢咁吻向佢雙唇…「我好愛你呀…」
「嗯…」梁建威用熱吻黎回應…「我都…好愛妳…」
然後我伸手摸一摸小威威…
佢已經舉行左升旗禮…
我古古惑惑咁對住Camp草一笑…
Camp草突然轉身反壓返住我，雙手向我胸部摸過去…
雖然仲係隔住件衫，但係…都摸得我好舒服…
我好似已經…濕濕地…
因為…尋晚其實我未飽…
Camp草一路摸我一路錫我…
我比佢錫到意亂情迷…
佢突然抬起頭，深情地同我講：「我會好好咁錫住妳黎做…唔會好似以前果個咁粗暴咁對妳…」
「嗯…」
其實…之前Jason響床上面的確有好多要求…有啲要求仲好過份…
不過…有陣時…其實我都好享受…
所以…我而家先變到…有啲大食？
呢啲野…隨住Jason既離去…就等我好好咁埋藏響自己心入面吧…
重要既…係眼前呢個男人…
（待續）
