五.
講得出呢啲帶點諷刺既語氣氣又咁乞人憎既對白,唔駛估都知係獸父Simon啦。
「人地有冇電腦關你咩事啫?」作為兄弟,我覺得我係要幫阿熙出頭。
我越黎越懷疑究竟系莊班莊員究竟係用咩準則黎揀組爸組媽。
阿熙對住我笑一笑。好一個小朋友既笑容……
「唔,你肯定又有電腦又有facebook啦,咁樣你一定大把女喇,係咪呀,Simon爸爸?」阿熙笑咪咪咁對住獸父Simon咁講。
睇到獸父Simon一副中左箭既表情,睇黎阿熙講中左佢既痛處。
「嗯,爸爸你咁風趣,一定響大學食唔少女啦,一定唔會係處男黎既!」阿熙繼續望住Simon笑咪咪咁講。
獸父Simon個樣好似比人中出二連發咁,一時間冇聲出。
「就咁啦!阿威我地去搵組媽影相咯~」阿熙轉身就行,臨走之前同獸父Simon講:「記得開學之後教下我地點食女呀!」
「呃…梗係啦!」獸父Simon笑住咁答,不過一睇就知佢笑得好勉強。
「係咁啦!」阿熙頭也不回咁走開。
「你又知佢溝唔到女?又知佢係處男?」我忍唔住問阿熙。
「唔知架,不過佢啲行為咁撚戇鳩,邊似有女會鍾意?」阿熙不經意咁答。
呢個小朋友…真係…幾寸咀下…(雖然我都覺得獸父Simon幾戇鳩)
就係咁,我又周圍搵下人影相。當然其實我最想搵既係搵阿冰影張相留下念~留下念咋,絕對唔係想半夜三更對住佢幅相黎J!一定唔係!
其實阿冰出現既地方都幾易搵,因為就算識唔識都好,總有起碼幾個男仔會圍住佢伺機搵佢影相。阿冰都係來者不拒,不過個樣就尷尷尬尬咁,可能佢其實真係好少應付呢啲情況。
我一於唔理班狗公,直接走過去阿冰度。
「喂!阿冰!」我叫佢。
「阿威!都未搵你影相添,快啲過黎一齊影返幅先啦!」阿冰見到我即刻笑住咁同我講。
woo, camp花主動搵我影相,我望下周圍啲狗公,你地唔狠得咁多架啦~
就係咁,我同阿冰既第一幅合照get~我重申,我只係用黎留下念啫,絕對唔係想半夜三更對住佢幅相黎J既!
一路諗,我一路望住我同阿冰張合照出神…
「同我影相咁開心咩真係?」阿冰突然古古惑惑咁望住我講。
「咦?」我唔係好load得切佢問緊咩。定係阿冰識得讀心咁得人驚……
「你望住幅相個樣笑到古古怪怪咁…」阿冰指一指我塊面。
「有咩?」我有啲老尷,都係兜一兜先:「同camp花影左張靚相呀嘛!」我兜左個圈咁讚佢靚。
「Camp咩花吖,大把人靚過我啦。」阿冰雖然咁講,不過睇佢既笑容應該對我句讚賞幾受落。
但係…大把人靚過你,你sure?
之後我地就交換左Facebook。至於電話果啲camp book一早就有了。
就係咁,3日2夜既o camp正式落幕。
*
我搭車返屋企果陣有意冇意咁得閒就會開返張我同阿冰既合照出黎望。
望下望下…
嗯…
我係咪好似漏左啲野未做?
咦,係喎,解散左之後我掛住好似啲痴漢咁望住張相,都仲未check過messages添!
Jenny尋晚起計send左成廿幾三十個messages比我!
唔得,等我盡返個好男友既責任,打返比佢報到先!
嘟……嘟……「咁耐先打比我架!」Jenny一接電話就問我,不過語氣都撒下嬌。
「係呀,遲左小小解散吖嘛!所以咪遲左小小囉。」絕對唔係因為我掛住望J圖所以唔記得打你…呃,唔係,係同阿冰張合照先啱。
「我地一陣幾點響邊度等呀?」Jenny問。
係喎,我應承左Jenny今日一完左camp就同佢出街,冇左件事添!
哎,仲想返屋企訓下覺,molamola…
「不如等我返屋企放低野再話你知?」唯有咁答,希望返屋企可以比我恰半個鐘啦…
「好啦好啦!」Jenny都好順攤。其實佢從來都唔會無理取鬧,又或者公主病發作,係一個好好既女朋友。
「點呀,o camp有冇玩埋啲鹹濕遊戲?」Jenny問。
又好似冇乜網上面討論區所講果啲意淫games喎…
「冇呀。」
「咁…不如你同我講下呢幾日你玩左乜?」Jenny好似都對o camp玩啲乜幾有興趣。
「嗯,我呢幾日……」
*
好攰。
一返到屋企都成3,4點。一撻落床直頭連郁都唔想郁。
究竟我之前痴左邊條筋,會同Jenny講今日完左camp會即刻同佢出街架?
雖然我覺得如果我同Jenny講話我好攰唔想出街佢應該都會叫我抖下,不過我又唔想令佢失望。
同埋…嗯,Jenny話佢全家人都去左旅行。嗯…雖然我好攰,不過我既細佬小威威好似幾精神。
都係趁仲有小小時間,恰一陣。恰幾個字都好。
一較好鬧鐘,我一合埋眼真係即刻訓得著。
不過好似訓左幾分鐘都冇,我就比一盆冷凍水兜頭淋落黎。
唔係講笑,真係凍水黎!嚇到我即刻成個彈起身!
一坐起身,就見到阿細妹拎住個面盆笑笑口咁望住我。
衰女包吖,果日我都淨係用把口嚇醒你啫,你而家真係用成盆水淋落我度。
「你個死女包吖!」我指住佢大鬧。
「咩喎,果日你都係咁整醒我啦~」佢強辭奪理,我果日都冇出到用水咁大陣仗!
不過…對住個笑笑口既衰女包,我又真係嬲唔落。
「點呀,嬲完拿?」我問佢。
「哼!我都冇嬲過。」細妹一副不在乎既表情。
……
你真係確定你搵水淋我唔係為左消啖氣?
「係啦,你話係就係啦。」我都冇你咁好氣。
反正都比水淋到醒晒,我索性唔訓準備出門口。
「阿妹,你幫我同老母講我今晚唔響屋企食啦~」
「妖,自己講啦!」細妹咁答。
「幫下手啦~唔該~」我死纏難打~
「得啦,麻鬼煩!」細妹一副冇我咁好氣既樣。「同Jenny姐姐出街?」
「唔係佢仲有邊個吖~」我答。
「哦,你仲想有第二個,我話比佢知!」
同我細妹打打鬧鬧中,我又準備出門口了。
(待續)