top of page
搜尋

訂閱計劃正式起動!




咁多位親愛既讀者,我有一個好消息宣布,就係細佬好榮幸將會同Penana合作,成為佢哋嘅駐站作家。


最初加入Penana呢個平台嘅時候都冇諗過會有咁好嘅


機會,只係覺得Penana作為新興既寫作平台,個界面好靚,而且好易上手同user friendly,仲有睇睇下書唔會成日有廣告阻住。點知唔經唔覺,就響Penana寫到第三部小說。然後又好受寵若驚咁,有機會成為佢哋嘅駐站作家。


講到明駐站作家,以後都會有唔少嘅作品會不停又不停又不停咁響Penana上面出現,而如無意外,我都會諗多啲更多種類既故仔響Penana寫,亦會儘量更加投入寫作。


當然,我係響連登起家,冇唔記得連登既巴絲,所有既故事作品到最後我都一定會放返上lihkg,但上Penana就可以早小小睇到我嘅最新作品同集數。


嚟緊我哋既合作計劃包括以下,簡單嚟講你可以課金一下子追多幾集,唔課金都可以維持現有進度:


訂閱Tier 1

1. 逢星期一、三、五更新一章約1000至1500字小說,另外會視乎情況不定期加更

2. 《我和鄰居大姐姐的故事》差別連載,Tier 1訂閱讀者優先閱讀多8章


訂閱Tier 2

1. 逢星期一、三、五更新一章約1000至1500字小說,另外會視乎情況不定期加更

2. 《我和鄰居大姐姐的故事》差別連載,Tier 2訂閱讀者優先閱讀多15章

3. 閱讀作者的全新專欄《葉開葉開隨口8+1 up》,每一至兩星期更新1篇


訂閱Tier 3

1. 逢星期一、三、五更新一章約1000至1500字小說,另外會視乎情況不定期加更

2. 《我和鄰居大姐姐的故事》差別連載,Tier 3訂閱讀者優先閱讀多15章

3. 閱讀作者的全新專欄《葉開葉開隨口8+1 up》,每一至兩星期更新1篇

4. 作者所有世界觀(包括已發報及構思中新故)既亂七八糟插圖同一段仔有關插圖嘅說明,每月至少會有一至兩幅(可能會有成人內容,希望道德L勿插)


專欄《葉開葉開隨口8+1 up》其實都係我既隨筆,上至天文下至不文都會同大家傾下。


至於亂七八糟插圖方面,除咗會將某啲情節試下畫出黎之外,仲會有啲未來既預告會畫同寫小小出嚟試下水溫,可能會係新故或者支線故事咁。有留意我IG既都會見到我最近嘗試將筆下人物漫畫化,就係為呢個專欄做準備。


除咗以上既內容之外,仲有好多唔同既新故構思中,但呢樣野未咁快可以confirm到,始終需要好多時間去寫作。如果有新消息會即刻公佈。


價錢方面分別會係38、58同98港幣,當連登第13個post爆左之後就會正式推出。而每有25個讀者訂閱,我都會加更一篇。


其實所有小說作品,到最尾連登一定有得睇架,但如果真係覺得細佬成日比屋企隻小魔怪撚化都儘量寫既嘢係值得睇嘅,都可以訂閱我嘅Penana計劃等我賺幾個奶粉尿片錢,我都會非常開心架。


無論訂唔訂都好,我好多謝一路以黎支持我嘅讀者們,冇左你哋嘅支持,我甚麽也不是。多謝~多謝!!!

 
 
 

最新文章

查看全部
英國生活 - 爆咗軚終於用得到breakdown service…

買車既時候真係最緊要買埋breakdown service,冇事由自可,一出事就係幫到你好多,絕對唔慳得。今次我會分享下自己架車爆軚既經驗,我係用AA既breakdown service,基本上好易用,一個App就有晒你既資料,出事既時候分享返你既定位同要支援既類型,佢哋既...

 
 
 
英國生活 - 洗牙記 續集

英國生活 - 洗牙記 續集 上次講過,我一年前左右喺NHS補過牙,當時個感覺唔錯,亦都冇再出現喺香港時係咁甩填充物既情況出現,就好似個牙窿真係被填平咁。不過,補完牙之後,隻牙就一直keep住敏感,覆診時牙醫話正常,會慢慢散,9個月之後例行檢查佢都仲係講呢一句。點知,就喺一年...

 
 
 
維基進度︰新增陳志良

啱啱更新埋陳志良既維基百科,其實呢個角色係由炸藥故已經登場,但佢當時既戲份比較少,偵探故佢就榮升為主角之一,仲得到一個女朋友添!不過故事未完,佢既維基內容都未完整,偵探故完咗之後會搵時間再更新。

 
 
 

コメント


  • Facebook
  • Instagram
  • Pixnet

©2021 by 葉開葉開. Proudly created with Wix.com

bottom of page