2025年4月27日
買車既時候真係最緊要買埋breakdown service，冇事由自可，一出事就係幫到你好多，絕對唔慳得。今次我會分享下自己架車爆軚既經驗，我係用AA既breakdown service，基本上好易用，一個App就有晒你既資料，出事既時候分享返你既定位同要支援既類型，佢哋既緊急維修師父就會黎到搵你，幫你手整返好間車，而萬一整唔好(好似我今次咁)，就會陪埋你去車房，幫你打點埋一切先走。
英國生活 - 爆咗軚終於用得到breakdown service…
買車既時候真係最緊要買埋breakdown service，冇事由自可，一出事就係幫到你好多，絕對唔慳得。今次我會分享下自己架車爆軚既經驗，我係用AA既breakdown service，基本上好易用，一個App就有晒你既資料，出事既時候分享返你既定位同要支援既類型，佢哋既緊急維修師父就會黎到搵你，幫你手整返好間車，而萬一整唔好(好似我今次咁)，就會陪埋你去車房，幫你打點埋一切先走。
1. 喺英國揸咗接近三年車，終於試咗爆軚要call breakdown service既體驗。
2. 老老豆豆，爆軚喺交通意外(如果算意外) 黎講，都算係最輕微既一種，大家亦都可能試過，唔駛聽我廢UP，不過或者都有朋友同我一樣係第一次遇到架車breakdown既，我都分享下當時既情況係點，等大家萬一都係第一次出事既，都可以拎黎做參考。又或者原來有人覺得我比保險果面水咗，想出聲提點下我都歡迎。
3. 首先大家買車既時候，真係強烈建議要買埋breakdown service保險，如果唔係到你架車真係breakdown要call breakdown services應該會好貴。
4. 講返我自己，我第一架車係買RAC，不過架車壞撚咗要劏(諗返起真係好肉痛)，之後再買另一架平平地既車就買咗AA。買果陣佢通常都有唔同既Plan，大家買既時候可以揀返適合自己情況既黎用。
5. AA我用過兩次breakdown service，但嚴格黎講第一次係一啲都唔緊急，架車就喺屋企度，只係架車舊電死咗揸唔到，用過江龍都撻唔著，最後叫AA拖咗我去最近既車房換電，佢哋個整車師父會直接同車房果邊溝通，唔駛擔心。
6. 咁講返真正揸揸下breakdown既經驗喇。當時我玩緊Amazon Flex送貨泊咗喺條街度，返到去既時候見到條軚突然扁晒，條軚既側面刮穿咗一個窿，事後AA整車師父證實係果個窿度漏氣既。
7. 關於Amazon Flex我之後應該會出多篇文專講點做，我諗有唔少人應該都有啲興趣。Amazon Flex以炒散黎講性價比算唔錯，但唔建議當正職咁話，油同車既消耗都幾高，仲有多一份pay as you go既保險，我係專等Just for you彈出黎既單先接，一個月其實做一、兩單左右，不過做兩日每次只係做幾個鐘都有過千港紙既收入。
8. 離題，返去breakdown service先。RAC果陣我好彩冇試過breakdown，所以唔知個程序係點，而AA就好方便既，你買咗佢個plan之後，就裝佢個app，然後出事既時候你只要打開個app，分享你個定位，揀返需乜嘢類型既支援，咁佢就會同時喺個app同埋短訊入面通知你，究竟個支援幾時到，仲有提醒你要喺 安全既地方等待支援。
9. 我今次係爆軚，咁就揀返Flat Tyer喇，佢喺App度最初話要等一個鐘，不過最後我等45分鐘就到。不幸中之大幸，至少我唔係喺高速高路上面爆軚，可以舒舒服服咁坐喺車入面等，如果係高速公路抛錨，為安全起見，你係要落車等，驚啲車睇唔到你架車死火撞咗埋去。
10. AA今次個師父都好有禮貌，好快就檢查完我既軚，結論係…冇得救。但佢即場同我做咗好多止血措施，然後就建議我去最近既Kwik Fit換咗條軚佢，佢話佢會跟住我，同埋會幫我同車房講返我既情況。
11. 不過留意返一樣嘢，就算你係唔太識車都好，都最好望實個師父做嘢，唔係驚佢偷懶，而係我今次發現佢check軚壓時，爭啲唔記得拎返入車軚氣壓果條管仔既蓋。果粒嘢細細粒，佢就咁擺咗喺馬路上面，我唔出聲佢都好似冇咗件事，而我出聲佢又好似扮晒冇嘢咁，我唔知如果唔提佢既話佢最後會唔會記得拎，不過我其實係一直等到佢叫我上車揸去Kwik Fit先開口，所以我覺得佢應該係唔記得咗。
12. 去到Kwik Fit，佢會同我講泊喺邊，然後就再同我一齊走入去車房入面搵車房師父講乜嘢事，咁個breakdown service本身就包咗唔駛錢，不過換軚就要喇，盛惠144鎊…
13. AA師父係有陪住我直至到同車房師父傾掂晒為止。臨走前AA師父會再同你確認一下你有冇特別需要，冇既話佢就會留低你喺車房同你講bye bye道別。結果我喺Kwik Fit走出嚟既時候見到佢喺門口泊好咗架車食緊煙…埋去同佢嗲咗幾句，佢話當日好忙冇時間抖(但果刻佢好悠閒食緊煙)，嗲多幾句，我就道別然後去搵個cafe坐幾粒鐘…
14. 當然，我唔想再有下次breakdown，不過今次AA呢次breakdown service既經驗，我都覺得幾好。不過我第一次用咋，可能有啲位我比人水咗都唔知，anyway我分享出黎比大家睇，如果大家覺得有用歡迎參考下，唔啱睇既就當我鳩UP喇。
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
#英國生活日常 #專欄 #英國生活 #移英生活
#英國洗牙 #曼徹斯特 #落雪 #snowing #Manchester
#移民英國 #下雪 #結冰 #路面結冰
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
如果有興趣睇下我既其他寫作作品，可以上 leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938